ОРАЛ. Мамырдың 25-і. ҚазАқпарат /Елжан Ералы/ - Мамырдың 25-інде Орал қаласындағы №36 орта мектепте өткізілген соңғы қоңырау салтанатына облыс әкімі Бақтықожа Ізмұхамбетов қатысып, шәкірттер мен ұстаздарды, ата-аналарды мектеп бітіру мерекесімен құттықтады,
деп хабарлайды ҚазАқпарат тілшісі.
Облыс басшысы Елбасы Нұрсұлтан Назарбаевтың тапсырмасына сәйкес көптеген жұмыстардың қолға алынғанын атап өтті. Облыста «100 мектеп, 100 аурухана» бағдарламасына орай сәулетті білім ошақтары бой көтерді. Соңғы үш жылда 428 мектептің тең жартысы күрделі жөндеуден өткізілді. Алдағы уақытта ауылдарда жаңа мектеп-интернаттар іске қосылмақ.
Облыс бойынша 2009-2010 оқу жылын аяқтағалы тұрған 92591 шәкірттің 6027-сі мектеп бітірмек. Облыс басшысы олардың бәріне де сәт сапар тіледі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).