11:56, 17 Сәуір 2009

Облыс басшысы танымал әншімен кездесті

ОРАЛ. Сәуірдің 17-сі. ҚазАқпарат /Ғайсағали Ералы/ - Батыс Қазақстан облысының әкімі Бақтықожа Ізмұхамбетов елге танымал әнші, Қазақстанның еңбек сіңірген әртісі, Ғ.Құрманғалиев атындағы облыстық филармония солисі Жұмағаным Рахимованы қабылдады,

деп хабарлайды ҚазАқпарат тілшісі. Кездесуде өңірде мәдениет пен өнердің дамуы, әсіресе, ән өнерінің қазіргі жай-күйі туралы әңгіме болды. Осыған орай екі мәрте Президенттік сыйлықтың иегері Ж.Рахимова өз ойларын ортаға салды. Облыс басшысы танымал әншіге мәдениет пен өнерді қолдау бағытында қолға алынып жатқан ауқымды шаралар жөнінде әңгімелеп, әншінің кезекті шығармашылық концертінің табысты өтуіне тілектестігін білдірді.
Мәдениет Аймақ
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).