18:13, 25 Наурыз 2009

Облыстық кәсіпкерлік және өнеркәсіп басқармасының бөлім бастығы пара алу үстінде ұсталды

ОРАЛ. Наурыздың 25-і. ҚазАқпарат /Ғайсағали Ералы/ - Наурыздың 21-інде ҚР ҰҚК облыстық департаменті жедел-іздестіру шаралары барысында жеке кәсіпкерге алкогольды өнімдерді өткізуге лицензия бергені үшін БҚО кәсіпкерлік және өнеркәсіп басқармасы сыртқы экономикалық байланыс және лицензиялау бөлімінің бастығы Р.Әділовты 300 мың теңге көлемінде пара алу үстінде қолға түсірді.

Департаменттің баспасөз қызметінен ҚазАқпарат тілшісіне хабарлағанындай, аталған факті бойынша ҚР ҚК 311-бабы 2-бөліміне сәйкес қылмыстық іс қозғалып, тергеу жүргізілуде.

Аймақ Сыбайлас жемқорлықпен күрес

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).