Мемлекеттік сәулет-құрылыс бақылау департаментінің (МСҚБ) басшылығы мен сәулетшілердің берген есебі Оңтүстік өңір басшысының наразылығын тудырды. Әкімге қала көшелерінде орналасқан сауда нүктелерінің сыртқы келбеті ұнамаған. А.Мырзахметов «Шымкентте мәдениет жоқ және ғимараттар сәулет стиліне сәйкес келмейді» деп мәлімдеді.
ОҚО-ның әкімі мемлекеттік құрылым шенеуніктерін ғимараттардың сыртқы келбетін тәртіпке келтіруге шақырды. Аймақ басшысы жалпы алғанда облыстық МСҚБ және қалалық сәулет бөлімінің жұмысын қанағаттанарлықсыз деп атады.