«Ең төменгі күнкөріс деңгейінен төмен табысы бар азаматтардың үлесі айтарлықтай төмендеді. Ең төменгі күнкөріс деңгейінен төмен кірісі бар адамдардың саны 5 пайызды немесе 141 мың адамды құрайды. Мүмкіндігі шектеулі адамдарды жұмыспен қамтуға ерекше мән беріліп отыр. Өткен жылы 2545 адам жұмысқа орналасты»,-деді әкім.
Оның сөзіне қарағанда, «Жұмыспен қамту жол картасы 2020» бағдарламасының қолдау шараларымен 58 мың адам қамтылды, бұл өз кезегінде республикалық көрсеткіштің 16 пайызын құрап отыр.
Нәтижесінде, жұмыссыздық деңгейі 5 пайызға дейін төмендеді. Биыл 63 мыңнан астам адамды жұмыспен қамту жоспарланып отыр.