ОРАЛ. Сәуірдің 8-і. ҚазАқпарат /Елжан Ералы/ - БҚО аумағында арнайы мекемелерде тәрбиеленіп жатқан 600-ге тарта балаға табиғи таза бал тегін таратылды,
деп хабарлайды ҚазАқпарат тілшісі.
Облыстық балалар құқығын қорғау департаментінің директоры Әли Мәсәлімовтің айтуынша, бұл - «Бөбек» қорының президенті Сара Назарбаеваның сәлемдемесі. Сырқат немесе соған бейім балаларға тегін бал тарату шарасы елімізде жыл сайын өткізіледі. Биыл да бал толы бөшкелер М.Өтемісұлы атындағы облыстық сауықтыру мектеп-интернатына, №3 «Елочка» балабақшасына, «Ивушка» санаторийіне және облыстық туберкулезге қарсы күрес диспансеріне жеткізілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).