Өңірде қой мен ешкі 24,1 мыңға көбейіп, 769,6 мың басқа жетті
ОРАЛ. Қаңтардың 21-і. ҚазАқпарат /Ғайсағали Ералы/ - Батыс Қазақстан облысында қой мен ешкі бір жыл ішінде 24,1 мыңға көбейіп, 769,6 мың басқа жетті,
деп хабарлайды ҚазАқпарат тілшісі облыстық статистика департаментінен түскен мәліметке сілтеме жасап.
Өңірде барлық негізгі түліктің өсуіне қол жеткізілді. Ірі қара 5,1 мыңға өсіп, 438,5 мыңды құраса, жылқы 4,2 мыңға артып, 61 мыңға жетті. Сондай-ақ шошқа 0,8 мыңға толығып, 26,1 мың болды. Облыста сондай-ақ 3,5 мың түйе (өсім ? 1,1 пайыз) бар.
Өткен жылы облыс шаруашылықтарында 156,8 мың бас бұзау, 425,6 мың қозы мен лақ, 16,3 мың құлын алынды.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).