13:45, 25 Наурыз 2009

Өңірде Наурыз мейрамы күндері 14 өрт оқиғасы орын алды

ОРАЛ. Наурыздың 25-і. ҚазАқпарат /Ғайсағали Ералы/ - Батыс Қазақстан облысында Наурыз мейрамы күндері 14 өрт оқиғасы орын алды.

Облыстық төтенше жағдайлар департаментінің баспасөз қызметінен ҚазАқпарат тілшісіне хабарлағанындай, сондай-ақ бұл күндері шұғыл құтқару жасағы алты рет атқа қонды. Наурыздың 22-сінде Орал қаласындағы базардың бірінен таңғы сағат алтыға жақын тауары бар екі контейнер өртенді. Оған жапсарлас тағы екеуі отқа шалынды. Өрт аумағы 20 шаршы метрді құрады. Өрт сөндірушілер оқиға болған жерден екі жеңіл көлікті аман алып қалды. Наурыздың 21-інде Мәметова көшесі 103-мекенжайында «Хайруллина» жеке кәсіпорнына қарасты жазғы дәмхананың кіреберісі өртенді. Таңғы сағат бестер шамасында болған бұл өрт қасақана қойылған деген жорамал бар.
Оқиға Аймақ
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).