15:24, 18 Сәуір 2009

Өңірде орташа жалақы 61740 теңгеге, ірі және орта кәсіпорындарда 64905 теңгеге жетті

ОРАЛ. Сәуірдің 18-і. ҚазАқпарат /Ғайсағали Ералы/ - Батыс Қазақстан облысында ақпанда бір қызметкердің орташа жалақысы 61740 теңгеге жетті, бұл өткен жылғы осы айдағыдан 24,5 пайызға жоғары,

деп хабарлайды ҚазАқпарат тілшісі облыстық статистика департаментінен түскен мәліметке сілтеме жасап. Сондай-ақ нақты жалақы көлемі де осы кезеңде 15,4 пайызға өсті. Ірі және орта кәсіпорындарда орташа еңбекақы 64905 теңгені құрап отыр. Жалақының өсуі экономиканың барлық саласында байқалып отыр. Ең жоғары жалақы жылжымайтын мүлікпен жұмыс, жалға беру және тұтынушыларға қызмет көрсету мен құрылыс саласында сәйкесінше 125709 және 121736 теңгеге жетсе, ең төменгісі - ауыл шаруашылығы, аң және орман шаруашылығы қызметкерлерінде (30296 теңге) болып отыр.
Қаржы және бюджет Аймақ
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).