ОРАЛ. 25 қаңтар. ҚазАқпарат /Елжан Ералы/ - Батыс Қазақстан облысында сәуір айына дейін әр ірі қараға жеке төлқұжат толтырылмақ.
Аталған құжатта малдың жасы мен алдын ала егу шаралары және басқа да мәліметтер жазылмақ.
Бұл өңірдегі мал басын қадағалау үшін керек. Сондай-ақ қорадағы әр мал міндетті түрде сырғалануы керек. Ірі қара секілді, шошқаларға да төлқұжат толтырылуы тиіс. Облыстық ауыл шаруашылығы басқармасы малдәрігерлік бөлімінің бас маманы Ерболат Ахметовтің айтуынша, қазіргі таңда төлқұжаттар дайын тұр. Таяу күндері округтердегі мал мамандары ірі қараларды құжаттау жұмысын бастамақ. Әзірге бұл малдар сырғалануда.
Статистикалық мәліметтерге қарағанда, облыста 420,7 мың ірі қара, 27,4 мың шошқа бар.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).