ОРАЛ. Шілденің 13-і. ҚазАқпарат /Елжан Ералы/ - Батыс Қазақстан облысында биылғы бірінші жартыжылдықта 42,1 млрд. теңгенің бөлшек тауары сатылды,
бұл өткен жылғы осы кезеңдегіден 20,3 пайызға көп.
Облыстық статистика департаментінен ҚазАқпарат тілшісіне хабарлағанындай, барлық тауар айналымы мемлекеттік емес саланың үлесіне тиеді. Жеке кәсіпорындар 41,4 млрд. теңгенің тауарын өткізсе, 0,7 млрд. теңгенің тауары өзге мемлекеттер меншігі, олардың заңды тұлғалары мен азаматтарының еншісінде.
Ірі және орта кәсіпорындар 9,1 млрд. теңге, шағын кәсіпорындар - 7,4 млрд. теңге, жеке кәсіпкерлер - 16,0 млрд. теңге, базарлар 9,6 млрд. теңгенің тауарын сатқан.
Облыстың әр тұрғынына есептегенде 67,1 мың теңгенің тауары өткізілген.
Бөлшек тауар айналымы көлемінің 75,2 пайызы - Орал қаласы, 8 пайызы Бөрлі ауданының үлесіне тиеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).