16:22, 07 Сәуір 2009

Өңірге танымал айтыс ақынының 80 жылдығы атап өтілді

ОРАЛ. Сәуірдің 7-сі. ҚазАқпарат /Ғайсағали Ералы/ - БҚО-ның Қазталов ауданы Тереңкөл ауылында өңірге танымал айтыс ақыны Нығмет Нағымовтың 80 жылдығына орай «От ауызды, орақ тілді Нығмет» атты кеш болып өтті,

деп хабарлайды ҚазАқпарат тілшісі. Кеште ақын өлеңдері мен әзіл-қалжың, шымшымаларынан үзінділер оқылып, көзкөрген қариялар естеліктерін айтты. «Қазталов ауданы жастары кеңесі» қоғамдық бірлестігінің бастамасымен Н.Нағымов атындағы жүлде белгіленіп, ауданда жыл сайын ақындар айтысын өткізіп тұру жөнінде шешім қабылданды. Ауыл өнерпаздарының концертімен көркемделген шарада аудан әкімінің орынбасары Сәрсенбай Молдашев ақындық өнерді қастерлей білудің маңызы зор екендігін айтты.

Мәдениет Аймақ

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).