Алматы әкімінің орынбасары Ербол Шормановтың айтуынша, Оңтүстік Қазақстан облысынан ауыл шаруашылығы өнімдерінің Алматы базарларына тікелей жеткізілімі туралы меморандумда Алматы базарларындағы жеміс-көкөніс және ет өнімдерінің бағасы 20-30 пайызға арзандатуға мүмкіндік беретін шаралар кешені қарастырылған.
«Алматы» әлеуметтік-кәсіпкерлік корпорациясы өнімдерді бір орталықтан сатып алатын болады. Корпорацияның бар мүмкіндігі бар - техникасы, қоймасы, қаржысы бар. Сөйтіп тауарлар партиямен Алматыға жөнелтілетін болады», - деді Оңтүстік Қазақстан облысы әкімінің орынбасары Берік Оспанов.
"Оңтүстікқазақстандық шаруалар үшін бұл схема өте тиімді - олар үшін өнімді тиімді бағамен сату проблемасы шешіледі", - дейді әкімнің орынбасары.
Көкөніс пен ет өнімдерінің тікелей жеткізілімі Алматы базарларындағы бағаны едәуір арзандататыны анық. «Қаладағы жеті ауданның әрқайсысында жәрмеңкелер жұмыс істейтін болады. Алдымен аптасына - 5 рет, екінші кезеңде - аптасына 7 күн жәрмеңке өткізілетін болады», - деді Е.Шорманов. Ол сондай-ақ, өз өнімдерін Алматы базарларында сатқысы келетін диқандарға ақысыз сауда орындары берілетін болады.
Б.Оспановтың айтуынша, жылыжай өнімдері сәуір айынан жеткізіле бастайды. Ал мамыр айынан бастап шаруалар ашық топырақта өсірілген көкөністерді жөнелте бастайды.