ОРАЛ. 7 желтоқсан. ҚазАқпарат /Елжан Ералы/ - «Даму» кәсіпкерлікті дамыту қоры» АҚ аймақтық филиалы, «Қазақстан Елім» ЖШС көлік компаниясы және «Цеснабанк» АҚ филиалы арасында
«Бизнестің жол картасы - 2020» бағдарламасының бірінші бағыты - «Жаңа бизнес бастамаларын қолдау» бойынша демеуқаржы жөнінде келісімге қол қойылды.
«Цеснабанк» АҚ қаржысына 28 орындық «Hyundai Country» маркалы екі автобус алынып, ол енді «Автобус паркі» АҚ-мен келісімге сәйкес Орал-Атырау-Орал бағытында жолаушы тасымалдаумен айналысатын болады. Бұған дейін аталмыш бағытта күні өткен автобустар қолданылып келген болатын. Жаңа автобустар қазіргі заманғы талаптарға сай келеді, бейне және аудиожүйемен, кондиционермен қамтамасыз етілген.
2009 жылғы сәуірде құрылған «Қазақстан Елім» ЖШС негізінен автокөлікті жалға беру, жүк және жолаушы тасымалдаумен айналысады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).