ОРАЛ. Мамырдың 31-і. ҚазАқпарат /Елжан Ералы/ - Орал қаласында ҚР Президентінің жүлдесі үшін БҚО ІV халықтық спорт ойындары мәреге жетті,
деп хабарлайды ҚазАқпарат тілшісі.
Шағын футбол, үстел теннисі, дойбы, тоғызқұмалақ, шахмат, президенттік көпсайыс, қазақ күресі, самбо, гір тасын көтеру, қол күресі, стритбол, отбасылық жарыстар, бильярд, волейбол сайыстарына барлығы екі мыңға жуық спортшы қатысты.
Үш күнге созылған дүбірлі додада президенттік көпсайыс, самбо бойынша Ақжайық ауданы өздерінің жоғары дайындық деңгейінде келгендерін көрсетсе, стритболдан Шыңғырлау ауданының командасы алдыңғы орыннан көрінді. Волейболдан ерлер арасында Жәнібек ауданының командасы мықтылығын дәлелдеді. Ал спорттың қалған түрлерінен Орал қаласының командасы алға шықты. Жалпыкомандалық есеп бойынша бірінші орын Орал қаласына бұйырса, Бөрлі ауданы - екінші , Ақжайық үшінші орынды еншіледі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).