ОРАЛ. 26 қаңтар. ҚазАқпарат - Орал қаласы көшелері жолдарын күрделі жөндеуге өткен жылы 986,561 млн. теңге қарастырылды.
Қала әкімдігінің мәліметі бойынша барлығы тоғыз көшеде жөндеу жұмыстары жүргізілді. Энтузиастар, Самал, Тәуелсіздік, Шолохов, Петровский, Жайық өзені арқылы өтетін көпірден Гагарин көшесіне дейін жұмыс толық аяқталды. Карев, С.Датұлы көшелері және кардиологиялық орталыққа апаратын жолдар құрылысы биыл мәреге жетпек. Бұлардан бөлек қаладағы 78 көшеде жай жөндеу жұмыстары жүргізілді. Оған 202,8 миллион теңге жұмсалды.
Сонымен қатар 11 жолдың жоба-сметасы әзірленді. Жөндеу жұмыстарын бастау биылға жоспарланып отыр.
Сонымен қатар қаланың санитарлық тазалығын сақтау мақсатында 928 млн. тенге бөлініп, тиісті жұмыстар атқарылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).