ОРАЛ. 24 тамыз. ҚазАқпарат - Орал қаласы прокуратурасы еңбек заңдылығының сақталу барысына мониторинг жүргізу барысында екі бірдей кәсіпорынның жұмысшыларға бережақ екендігі анықталды.
Облыс прокуратурасының баспасөз қызметінен түскен мәліметке қарағанда, «Металл бұйымдары» бірлескен кәсіпорны» ЖШС-ның 185 жұмысшыға 8 млн. астам теңге жалақы берешегі қала прокурорының ұйғарымына сәйкес толықтай өтелген.
Сол секілді «West Trade» ЖШС-ның 40 жұмысшыға 2012 жылдың наурыз айы үшін 5,9 млн. теңге көлемінде бережақ екендігі анықталды. Қала прокуратурасы «Прокуратура туралы» ҚР Заңының 24-бабына сәйкес ЖШС-ға заңбұзушылықты жою туралы ұйғарым енгізгенімен, қарау нәтижесінде ол уақытында орындалмаған. Сондықтан мәжбүрлеу түрінде орындау мақсатында қалалық прокуратураның қаулысы БҚО сот актілерін орындау департаментіне жолданған болатын.
Соның нәтижесінде ЖШС-ның 40 жұмысшының алдындағы жалақы бойынша бережағы толық төленіп, олардың да құқықтары қорғалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).