ОРАЛ. 19 наурыз. ҚазАқпарат - Бұл оқиға 12 наурызға қараған түнгі 01.00 шамасында Орал қаласында орын алған еді.
Белгісіз жүргізуші Орал-Самара жолы бойындағы «Бәйтерек» базары тұсында азия пішіндес азаматты қағып кетіп, оқиға орнынан бой тасалаған.
БҚО ІІД жол полициясы басқармасы бастығының орынбасары, полиция подполковнигі Сәкен Қайролдиннің айтуынша, қаза тапқан адам Зеленов ауданы Махамбет ауылында тұрған 1983 жылғы Аңсар Иқсанов екені анықталды. Аталмыш басқарманың іздестіру бөлімі ешқандай із қалмаса да, адам қағып өлтірген «Мерседес 208» автокөлігінің жүргізушісі А. деген азаматты тапты. Қазір ол қамауда, тергеу амалдары жүргізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).