ОРАЛ. 16 ақпан. ҚазАқпарат - БҚО ішкі істер департаменті есірткі бизнесіне қарсы күрес басқармасының қызметкерлері ақтөбелік полицейлермен бірлесе жүргізген шара нәтижесінде 12 ақпан күні ірі көлемде героин тасымалдаған Орал қаласының қос бірдей тұрғынын құрықтады.
Департаменттің баспасөз қызметінен хабарлағанындай, олардың бірі 25 жастағы әйел, екіншісі 38 жастағы ер адам болып шықты. Олар Ақтөбеден Оралға таксимен келген. Тінту кезінде әйелден 205 грамм, ер адамнан 2 грамм героин тәркіленді.
Қазіргі кезде ҚР ҚК 259-бабы 3-бөліміне сәйкес қылмыстық іс қозғалды. Ұсталғандар Орал қалалық ішкі істер басқармасы уақытша оқшаулау абақтысына қамалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).