РАЛ. Мамырдың 29-ы. ҚазАқпарат /Елжан Ералы/ - Орал қаласы әкімдігінде кедендік одақ жағдайында кәсіпкерлікке қатысты мәселелер талқыланды,
деп хабарлайды ҚазАқпарат тілшісі.
Облыс әкімінің орынбасары Берік Толымбаевтың атап өткеніндей, кедендік кедергілердің жойылуына байланысты Одаққа мүше елдерде өндірілген тауарлар бір-біріне еркін өтетін болады. Үкімет тарапынан бұл орайда күш те жұмсалуда, қаржы да салынуда. БҚО бойынша кедендік бақылау департаментінің бастығы Әмірхан Мауқұловтың айтуынша, биылғы шілденің 1-інен бастап Кедендік одақ елдерінде өндірілген тауарларға кедендік салықтар салынбайды. Енді әкімшілік, жанама салық салу ісімен салық департаменті айналысатын болады. Сондықтан барлық деректер осы мекемеге беріледі. Қазіргі кезде өңірде Ресей, Беларус елдерімен сыртқы экономикалық байланыс жасайтын 709 қатысушы бар. Сол себепті кәсіпкерлерге қандай салық салынатыны және басқа мәселелер жөнінде түсінік беру жұмыстары жалғасатын болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).