ОРАЛ. 20 сәуір. ҚазАқпарат /Елжан Ералы/ - Орал қаласындағы №43 орта мектепте оқыған Диана есімді қыз бала өзін-өзі өлімге қиды.
Оқиға өткен жексенбі күні орын алған. Мектеп директоры Райхан Биғазиеваның айтуынша, Диана мектепте жақсы оқыған, үлгілі шәкірттердің бірі болған. Әрі ата-анасының жалғыз қызы көрінеді.
Облыстық ішкі істер департаменті баспасөз қызметінен түскен мәліметке қарағанда, сот-медициналық сараптамадан кейін процессуалдық шешім алынатын болады.
Бұл - жыл басынан бергі үшінші суицид. Бұдан бұрын Оралдағы №28 мектепте оқыған қос құрбы көпқабатты үйден секіріп кетіп, қайтқан болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).