ОРАЛ. Ақпанның 11-і. ҚазАқпарат /Елжан Ералы/ - Орал қаласында өрт оқиғасынан үш адам қаза тапты.
Облыстық төтенше жағдайлар департаментінің баспасөз қызметінен ҚазАқпарат тілшісіне хабарлағанындай, Ж.Молдағалиев көшесі бойындағы 33-үйден өрт шығып, 46 жасар пәтер иесінің мүрдесі табылды. Өрт отпен абай болмаудан шыққан. Сондай-ақ Коммунальный көшесі 27/2-үйі маңындағы жылу трассасы жанындағы тұрмыстық қалдықтар өртенген. Сол арадан екі адамның өлігі табылған. Бұлар белгілі бір тұрағы жоқ адамдар деген болжам айтылуда.
Өрттердің шығу себептері мен келген шығын анықталуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).