ОРАЛ. Ақпанның 19-ы. ҚазАқпарат /Елжан Ералы/ - Орал қаласында «Сен туған қалаң үшін не істедің?» атты іс-шара қолға алынды.
Орал қаласы әкімдігі өткізіп отырған шара барысында шаһарды абаттандыру ісіне әр тұрғын өз үлесін қоса алады. Мәселен, тал-терек егілсе, балалар немесе спорт алаңдары жасақталса, жаңа саябақтар пайда болса, бұл қаланы көркейте түспек. Жасалған жұмыстар жөнінде тұрғындар фотография, бейнематериалдар немесе жазбаша жібере алады.
Іс-шара он күнге созылмақ. Жеңімпаздар арнайы сыйлықтармен марапатталады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).