11:22, 01 Сәуір 2009

Орал қаласында тазалық айлығы басталды

ОРАЛ. Сәуірдің 1-і. ҚазАқпарат /Ғайсағали Ералы/ - Бүгін Оралда санитарлық тазалық және қала аумағын абаттандыру айлығы басталды,

деп хабарлайды ҚазАқпарат тілшісі. Мамырдың 1-іне дейін созылатын айлық барысында әр мекеме, ұйым өз аумақтарын түрлі қалдықтан тазартып, тәртіпке келтіруі тиіс. Сондай-ақ сәуірдің 11-і, 18-і және 25-і күндері жалпықалалық сенбіліктер ұйымдастырылмақшы. Айлыққа тұрғындардың белсенді қатысуын қамтамасыз ету де көзделіп отыр. Тазалық жұмыстарымен қатар ағаш отырғызу ісі қолға алынбақшы. Сәуірдің 1-інде дарынды балаларға арналған С.Сейфуллин атындағы №11 облыстық мектеп-интернаты кешені ұжымы сенбілікке шықты.

Аймақ Экология

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).