ОРАЛ. 15 ақпан. ҚазАқпарат - Орал қаласының жаңа шағынауданынан Ж.Молдағалиев атындағы облыстық ғылыми-әмбебап кітапханасы үшін заманауи ғимарат салынатын болады.
Облыс әкімі Нұрлан Ноғаевтың айтуынша, биыл ғимараттың жобалау-сметалық құжаттамасын әзірлеу, ал алдағы жылы оның құрылысын бастау көзделіп отыр. Кітапхана болашақта басқа да сәнді ғимараттармен қатар бой түзейтін болады. Онда қаладағы барлық кітапханаларды да орналастыруға болады.
Ж.Молдағалиев атындағы облыстық кітапхана директоры Роза Исатаеваның сөзіне қарағанда, Карев үйінде орналасқан аталмыш кітапханада қазіргі кезде 300 мыңнан астам кітап қоры бар. Халықтың сұранысына ие мерзімді басылымдарды ұзақ мерзімге сақтау орынның тарлығына байланысты мүмкін болмай отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).