18:24, 07 Мамыр 2009

Орал қаласында жалған қоңырау шалып, табыс тапқан азаматтың үстінен он қылмыстық іс қозғалды

ОРАЛ. Мамырдың 7-сі. ҚазАқпарат /Ғайсағали Ералы/ - Орал қаласында жалған қоңырау шалып, алаяқтықпен табыс табушылар көбейіп кетті,

деп хабарлайды ҚазАқпарат тілшісі қалалық ішкі істер басқармасынан түскен мәліметке сілтеме жасап. Мұндай алаяқтар телефон арқылы хабарласып, өздерін ішкі істер органының қызметкерімін деп таныстырып, «жемтігінің» көңіл-күйін бақылай тұра, ері немесе ұл-қызы, немересінің қылмыстық оқиғаға қатысы бар екенін айтады. Істі жауып тастау үшін көп ақша немесе ұялы телефонға бірнеше мың бірлік аударуды талап етеді. Осындай фактілер өткен жылғы қазан, қараша айларында жиі тіркелсе, биылғы наурыздан бастап қайта «жанданды». Наурыздың 29-ы күні осындай төрт оқиға болған. Ал жәбірленушілердің дені ? егде жастағы адамдар. Осындай әдіспен қор жинауды кәсіп еткен С. деген азамат ұсталып, оның үстінен екі апта ішіндегі әрекетіне байланысты он қылмыстық іс қозғалды. Алаяқтар сондай-ақ SMS хабарламасы арқылы да әрекет жасауда.
Аймақ Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).