17:10, 01 Сәуір 2009

Орал қаласында жасөспірімдер қылмысы 28,6 пайызға азайды

ОРАЛ. Сәуірдің 1-і. ҚазАқпарат /Ғайсағали Ералы/ - Орал қаласында биылғы бірінші тоқсанда жалпы қылмыс 7,7 пайызға төмендесе, ашылу деңгейі 67,1 пайызды құрады.

Бұл туралы сәуірдің 1-інде қала прокуроры Амантай Рашқалиев мәлім етті, деп хабарлайды ҚазАқпарат тілшісі. Қылмыстың алдын алуға арналған нақты жұмыстардың нәтижесінде жасөспірімдер қылмысы 28,6 пайызға азайса, есірткі заттары заңсыз тасымалының ашылуы 6,5 пайызға өсті. Қоғамдық ой-пікірге тамызық болған қылмыстық істер прокуратура қадағалауында болып келеді. Айталық, сыбайлас жемқорлыққа жағдай туғызатын қылмысқа барған «Еңбек-Орал» мекемесінің бұрынғы басшылары Жұмағұлов, Маймышев, сондай-ақ қылмыстық топ мүшелері Латыпов, Лебедев, Дияшев, Тұрлановтың істері айыптау қорытындысымен сотқа жолданды. Үш айда 48 тексеру нәтижесінде 12 тұлға түрлі жауапкершілікке тартылды. Прокурорлық ықпал ету актілері бойынша 62 895 279 теңге өндіріліп алынды.

Аймақ Басқа мемлекеттік органдар Қоғам

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).