ОРАЛ. 1 қаңтар. ҚазАқпарат - 1 қаңтар күні түс шамасында Орал қаласындағы теміржол вокзалының төбесі түтіндеді.
БҚО төтенше жағдайлар департаментінің баспасөз хатшысы Толқын Нұрғуатованың айтуынша, бұл оқыс жағдай өрт деп айтуға келмейді. Дегенмен оқиға орнына 7 өрт сөндіру техникасы шұғыл жетіп, ғимараттан 25 адам шығарылған. Түтіндеу электр сымының қысқа тұйықталуынан болған сияқты.
Қазіргі кезде аталмыш оқиғаның себеп-салдары анықталу үстінде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).