ОРАЛ. Қаңтардың 5-і. ҚазАқпарат /Елжан Ералы/ - Орал қаласының бірқатар ықшам аудандарының тұрғындары жайсыз ауа райы салдарынан жарықсыз қалды.
Облыстық төтенше жағдайлар департаментінің баспасөз қызметінен хабарлағанындай, қаңтардың 3-і күні түнде Нұрпейісова, Ақтөбе, Қазталов көшелері, «Болашақ» балабақшасы, №31 мектеп ауданы, Зачаган ауылы тұрғындары үйлерінде жарық сөніп, электр желісі он сағат уақыттан кейін, кеше қалпына келтірілді.
Жаңбырдың соңы қарға ұласып, кеше күн қайта суытты. Қаңтардың 4-5-і күндері облыста түнде 20-25, күндіз 15-20 градусқа дейін күн суытатыны жөнінде департамент тарапынан тиісті орындарға жедел хабар берілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).