ОРАЛ. ҚазАқпарат - Кеше кешке сағат 19.55 шамасында Орал қаласындағы Жданов көшесі 14-үйдің жанынан 2000 жылғы қыздың мүрдесі табылды. Ол тоғызыншы қабаттан секіріп кеткен.
БҚО ішкі істер департаментінің баспасөз қызметінен түскен мәліметке қарағанда, марқұмның денесі сот-медициналық сараптамаға жіберілді. Оқиға орнынан кілттер, ұялы телефон, жүк сөмкесі (рюкзак), қан дағы табылған.
Қазіргі кезде оқиғаның жай-жапсары анықталып, аталған дерек бойынша Орал қалалық ішкі істер басқармасы тергеу амалдарын жүргізуде.
Облыстық спортқа дарынды балалар мектеп-интернатының директоры Қанат Жанғалиевтің айтуынша, 15 жасар Анастасия Агибалова 9-сыныпта оқыған. Волейбол бөлімінің тәрбиеленушісі болған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).