ОРАЛ. ҚазАқпарат - 7 қараша күні «Казармапром» ЖШС-да 257 қару мен екі арнайы құрал балқытуға жіберілді.
БҚО ішкі істер департаментінің баспасөз қызметінен түскен мәліметке қарағанда, соның ішінде 213-і - тегіс ұңғылы аңшылық қару, сондай-ақ 4 шолақ мылтық, 23 газды тапанша, 2 пневматикалық қару, 8 травматикалық қару бар. Бұлар - негізінен азаматтар өз еркімен тапсырған, сонымен қатар тәркіленген қару-жарақ. Соның ішінде кәсіпкер В.Каркуланы өлтіру кезінде қылмыскерлер қолданған шолақ мылтық та бар.
Айта кетейік, азаматтарға қаруларын өз еркімен тапсырғаны үшін биыл 10,748 млн. теңге көлемінде сыйақы төленді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).