ОРАЛ. 1 маусым. ҚазАқпарат - Оралда бүгін БҚО білім басқармасы мен облыстық балалар-жасөспірімдер туризмі және экология орталығының ұйымдастыруымен «Самал» туристік лагерінде «Ән салады жастық шақ» атты жас бард әндерін орындаушылардың VІІ облыстық фестивалі басталды.
Дәстүрлі фестиваль жастарды елжандылыққа тәрбиелеу, авторлық әндерді насихаттау, бард әндерін орындаушылардың шығармашылық деңгейін көтеру мақсатында өткізіліп отыр. Фестивальға 15 жасқа дейінгілер, 15-18 жас және 18 жастан жоғары жастар қатысып, «Орындаушы», «Автор», «Ансамбль» (дуэт, трио, квартет) аталымдары бойынша сынға түсуде.
Фестиваль лауреаттары анықталғаннан кейін жеңімпаз-жүлдегерлер гала-концерт қояды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).