ОРАЛ. Сәуірдің 2-сі. ҚазАқпарат /Елжан Ералы/ - БҚО балалар мен жасөспірімдер туризмі және экология орталығында Орал өңіріндегі балалар туризмінің 50 жылдығы мен Ұлы Жеңістің 65 жылдығына арналған «Атамекен» жасақтарының облыстық слеті мәреге жетті,
деп хабарлайды ҚазАқпарат тілшісі.
Слет барысында Орал қаласы мен аудандардан қатысқан жасақтар таныстырылып, балалар туризмінің 50 жылдығына арналған көрме ұйымдастырылды. Сондай-ақ тарих, Қазақстан экономикасы, сөнбейтін жұлдыздар, табиғат және экология, халықтық өнер мен салт-дәстүрлер, туризм, спорт, денсаулық және демалыс тақырыптарында жинақталған зерттеу жұмыстары сарапқа салынды.
Слет қорытындысында Бөрлі ауданы командасы жеңімпаз атанса, сырымдықтар - екінші, ақжайықтықтар мен оралдықтар үшінші орынды еншіледі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).