ОРАЛ. Желтоқсанның 28-і. ҚазАқпарат /Елжан Ералы/ - Орал қаласындағы Жастар мәдениет үйінде ауған соғысы ардагерлері бас қосты,
деп хабарлайды ҚазАқпарат.
Қала әкімінің орынбасары Талғат Нығметовтің атап өткеніндей, аталмыш соғыс ардагерлері өз ұйымшылдығын ұдайы көрсетіп келеді. Бұдан бұрын Орал қаласындағы Мәңгілік алау жанындағы тақтаға ауған соғысында қаза тапқандардың есімдері жазылып, ескерткіш қойылды. Енді арнайы саябақ та ашылмақшы.
Шара барысында бір топ ардагерлерге ауған соғысының аяқталуының 20 жылдығына арналған естелік медаль мен алғысхаттар табыс етілді. Ауғандық жауынгерлердің балалары мен немерелеріне арналған жаңажылдық шырша да ұйымдастырылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).