19:12, 15 Сәуір 2009

Оралда әйелдер істері және отбасылық-демографиялық саясат жөніндегі облыстық комиссия отырысы болды

ОРАЛ. Сәуірдің 15-і. ҚазАқпарат /Ғайсағали Ералы/ - Оралда сәуірдің 15-інде облыс әкімінің орынбасары Серік Сүлейменнің төрағалық етуімен әйелдер істері және отбасылық-демографиялық саясат жөніндегі облыстық комиссия отырысы болды,

деп хабарлайды ҚазАқпарат тілшісі. Онда облыс әкімі аппаратының бас инспекторы, комиссия хатшысы Светлана Әлмұханова баяндама жасап, аталмыш комиссияның атқарған жұмыстарына тоқталды. Жиында Теректі ауданы әкімінің орынбасары Әділбек Қадыров және басқалар гендерлік саясатты насихаттау, осы бағытта жұмыс істейтін мемлекеттік қызметкерлердің білімін жетілдіру, зорлық-зомбылықтың алдын алу, отбасындағы жастар тәрбиесі туралы өз ұсыныс-пікірлерін білдірді. Отырыста, сондай-ақ Қазақстан Республикасында 2006-2016 жылдарға арналған гендерлік теңдік стратегиясын іске асыру жөніндегі БҚО-ның 2009 жылға арналған іс-шаралар жоспары бекітілді. Комиссия жұмысына белсене араласқан облыстық ішкі саясат басқармасының бастығы Тілекқабыл Имашев, облыстық ішкі істер департаменті қоғамдық қауіпсіздік басқармасының бастығы Манарбек Ғабдуллин, облыстық мәслихаттың депутаты Зинатбану Мусина, «Шағын бизнес орталығы» қауымдастығының директоры Шолпан Махмудоваға алғысхат табыс етілді.
Аймақ Басқа мемлекеттік органдар Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).