ОРАЛ. 11 қазан. ҚазАқпарат /Елжан Ералы/ - Оралда бадминтоннан БҚО ашық кубогі жарысы мәреге жетті.
Өңірде аталмыш спортты дамыту және салауатты өмір салтын орнықтыруды мақсат еткен турнирге Орал мен Ақсай қалаларынан қырықтан астам бадминтоншы қатысты. Әйелдер арасында оралдық Лилия Сәрсенова жеңімпаз атанса, тағы бірі Галина Тимофеева екінші орынды иеленді. Ерлер арасында ақсайлық Талап Әлиевтің мерейі үстем болса, оралдық Игорь Жердев екінші жүлдені еншіледі.
БҚО туризм, дене шынықтыру және спорт басқармасының қолдауымен, «Конденсат» компаниялар тобының демеушілігімен БҚО бадминтон федерациясы ұйымдастырған жарыс жеңімпаз-жүлдегерлері кубок, диплом, ақшалай сыйлықтармен марапатталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).