ОРАЛ. Ақпанның 18-і. ҚазАқпарат /Ғайсағали Ералы/ - Оралдағы «Ағартушы» баспасынан белгілі ақын Мэлс Қосымбаевтың «Адыраспан» жыр жинағының сүйінші данасы жарық көрді,
деп хабарлайды ҚазАқпарат тілшісі.
Кітапқа алғысөзді атақты жазушы Әбіш Кекілбайұлы жазып, ақын шығармашылығына жоғары баға берген. Жасынан айтыс көгінде жарқырай көрінген Мэлстің тырнақалды жинағы 1992 жылы «Жанартау» деген атпен аудандық баспаханадан басылып шыққан болатын. Сондықтан қатты мұқабамен, суреттерімен жарық көрген «Адыраспанды» толыққанды алғашқы дүние деуге болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).