18:56, 07 Сәуір 2009

Оралда белгілі бессайысшы, бапкер Б.Сариев туралы жаңа кітаптың таныстырылымы болды

ОРАЛ. Сәуірдің 7-сі. ҚазАқпарат /Ғайсағали Ералы/ - Сәуірдің 7-сінде Оралда белгілі бессайысшы, Қазақстанның еңбек сіңірген жаттықтырушысы Борис Сариевтің 70 жылдығына орай жарық көрген Арғынғазы Жұмағожиннің орыс тіліндегі «Бұдан басқа ештеңе...» атты жаңа кітабының таныстырылымы болды,

деп хабарлайды ҚазАқпарат тілшісі. Қазақ дене тәрбиесі институтының түлегі, Орал қаласында туып өскен Борис Сариев 1958-1967 жылдары қазіргі бессайыстан Қазақстан құрамасының мүшесі болды. 1961 жылы Қазақстан спортының тарихында тұңғыштардың қатарында КСРО біріншілігінде қола жүлдеге қол жеткізді. Осындай жетістігін 1967 жылы КСРО халықтарының ІV спартакиадасында да қайталады. 1968-1974 жылдары осы спорт түрінен Қазақстан құрамасының аға бапкері болған Борис Сариевтің шәкірттері 1970 жылы алғаш рет әлем чемпионы атанды. 1975-1990 жылдары Орал облыстық спорт комитетін басқарған Б.Сариев одан кейін де «Бессайыс» спорт клубын құрып, елде бессайыстың қайта жандануына өз үлесін қосты. Аталмыш кітап Б.Сариевтің спорттағы өзіндік жолы, бірегей табыстары жөнінде сыр шертеді.
Мәдениет Аймақ
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).