ОРАЛ. Ақпанның 18-і. ҚазАқпарат /Елжан Ералы/ - Оралда белгілі жас әнші, халықаралық, республикалық байқаулардың жеңімпаз-жүлдегері Еркін Өтегенов «Жүректе ыстық жалын, арнаймын жастық әнін» атты тұңғыш шығармашылық кешін өткізді,
деп хабарлайды ҚазАқпарат тілшісі.
Аталмыш концертте бұрын-соңды сахнада көп естілмеген әндер де орындалды. Сондай-ақ жергілікті авторлар, әнін Қуандық Мәдір, сөзін Мұнайдар Балмолда жазған «Ауылға қайтып жаз келді» әнінің тұсауы кесілді.
Еркін Өтегенов өткен жылы «Қыдыр қонған Қызылорда» республикалық байқауында бас жүлдені иеленіп, кейін Алматыда «Сағындырған әндер-ай» атты ән мерекесіне қатысқан болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).