ОРАЛ. 7 қыркүйек. ҚазАқпарат - 7 қыркүйек күні Батыс Қазақстан облыстық тарихи-өлкетану мұражайында «Мұражайлар - халық қазынасы» жобасы аясында Бөрлі ауданы мұражайының көрмесі ашылды.
Оның ашылу салтанатына жиналған оралдықтар ел мен жердің тарихы, сол өлкеден шыққан тарихи тұлғалардың өмірі және қызметімен танысып, құнды жәдігерлерді тамашалады.
Ата-баба тарихын кейінгі ұрпаққа таныстыру мен аманаттау бағытында жұмыс істеп келе жатқан мұражай көрмесі бір айға созылмақ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).