18:32, 10 Сәуір 2009

Оралда дағдарыс жағдайында мемлекеттік тіл мәртебесін арттыруға арналған семинар-кеңес болды

ОРАЛ. Сәуірдің 10-ы. ҚазАқпарат /Ғайсағали Ералы/ - Ғ.Құрманғалиев атындағы облыстық филармония залында сәуірдің 10-ында «Дағдарыстан дамуға бағыт алған Қазақстан халқын біріктіруші фактор – мемлекеттік тіл» тақырыбында семинар-кеңес болды,

деп хабарлайды ҚазАқпарат тілшісі. Облыстық тілдерді дамыту басқармасының бастығы Махамбет Ихсанғали атап өткеніндей, мемлекеттік тіл мәртебесін арттыру мәселесі күн тәртібінен түспейді. Қайта әлі де жөнге салар, шешілуі тиіс түйткілдер жетіп артылады. Бұл жөнінде белгілі ақындар, Қазақстан Жазушылар одағының мүшелері Қайрат Жұмағалиев пен Ақұштап Бақтыгереева, М.Өтемісұлы атындағы Батыс Қазақстан мемлекеттік университетінің аға оқытушысы Наталья Әлмағамбетова өткірірек айтты. Әсіресе, шенеуніктердің қазақша баяндама жасай алмайтыны, аралас мектеп, балабақшалардың қазақ тілінде шала-пұла білім беретіні сынға ілінді.
Аймақ Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).