ОРАЛ. 25 қаңтар. ҚазАқпарат - 23 қаңтар күні сағат 11.30-да белгісіз біреу Жәңгір хан көшесі бойында орналасқан «Мини маг Жазира» дүкеніне кіріп, тоңазытқыштан азық-түлік ұрлап кеткен.
Облыстық ішкі істер департаментінің баспасөз қызметінен хабарлағанындай, сондай-ақ ол сол күні күш қолдана отырып, 30 жасар ер адамды тонап, 1500 теңгесін тартып алған. Орал қалалық ішкі істер басқармасы Шаған полиция бөлімі қызметкерлері жедел тергеу, іздестіру шаралары нәтижесінде қылмыстың ізін суытпай, бұрын бірнеше рет сотталған 24 жасар азаматты қолға түсірді. Ұрланған заттар кері қайтарылды.
Қазіргі уақытта аталған факті бойынша тергеу амалдары жүргізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).