ОРАЛ. 31 мамыр. ҚазАқпарат - Оралда 31 мамыр күні Дүниежүзілік шылымқорлыққа қарсылық күніне орай шара өткізілді.
Облыстық денсаулық сақтау басқармасының баспасөз қызметінен хабарлағанындай, шараға «Жалын» жастар денсаулық орталығы, қалалық білім бөлімі, облыстық ішкі істер департаменті, «Нұр Отан» ХДП облыстық филиалы қызметкерлері қатысты.
Дөңгелек үстел отырысы барысында темекінің зияны, оған қарсы орталықтардың жұмысы, жастар арасындағы темекіге тәуелділіктің алдын алу мәселесі қозғалды. Сондай-ақ темекі шегуді қойған азаматтар аталған қауіп-қатер факторының зардабы, тәуелділіктің тауқыметі туралы өз пікірлерін ортаға салды.
Бұқаралық ақпарат құралдары арқылы темекі өнімдеріне теріс көзқарасты қалыптастыру, жастар арасында еріктілер жасағын құру, темекінің зиян-салдары туралы ақпараттық материалдарды жеке және мемлекеттік мекемелерде үздіксіз таратып отыру жөнінде шешімдер қабылданды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).