ОРАЛ. Ақпанның 19-ы. ҚазАқпарат /Елжан Ералы/ - М.Өтемісұлы атындағы Батыс Қазақстан мемлекеттік университетінде «Елбасы Жолдауы - Қазақстанның жаңа мүмкіндіктері» деген тақырыпта дөңгелек үстел отырысы өткізілді,
деп хабарлайды ҚазАқпарат тілшісі.
Тарих және құқық факультетінің «Консенсус» саяси клубы ұйымдастырған жиынға облыстық ішкі саясат басқармасы, «Нұр Отан» ХДП жергілікті филиалы, үкіметтік емес ұйымдар өкілдері қатысып, өз пікірлерін ортаға салды. Ішкі саяси тұрақтылық, инновация мен иневстиция, ЖОО-лар бәсекелестік жағдайында сынды мәселелерді талқылаған отырыста, әсіресе, студенттер белсенділік танытып, Елбасы Жолдауын жүзеге асыруға үлес қосатындықтарын білдірді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).