ОРАЛ. 5 наурыз. ҚазАқпарат - 5 наурыз күні Батыс Қазақстан облыстық тарихи-өлкетану музейінде Халықаралық әйелдер күніне арналған «Ғасырлар бейнесі» атты көрме ашылды.
Мұражайдың көпшілікпен жұмыс және экскурсиялық қызмет көрсету бөлімінің меңгерушісі Айсұлу Қойшинаның хабарлағанындай, музей қорынан алынған ХІХ ғасыр мен ХХ ғасыр басында қыз-келіншектер киген көйлектер, барлығы 14-тен астам жәдігер келушілер назарына ұсынылды. Олардың арасында 1870-1880 жылдары тігілген тоқыма көйлектер де бар.
Шара мақсаты - өткен ғасырларда өмір сүрген ісмерлер өнерінен хабардар ету, ұлттық киім үлгілерін насихаттау.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).