ОРАЛ. 10 қаңтар. ҚазАқпарат - Орал қаласындағы 5517-әскери бөлімде 10 қаңтар күні Қазақстан ішкі әскерлерінің құрылғанына 21 жыл толуына орай салтанатты шара өткізілді.
Батыс құраманың баспасөз хатшысы, майор Ерболат Сұлтановтың хабарлағанындай, жиынға 5515 және 5517-әскери бөлімдердің жеке құрамдары қатысты. Онда Батыс құрама командирінің тәрбие және әлеуметтік-құқықтық жұмыстар жөніндегі орынбасары, подполковник Қанат Беляков баяндама жасап, ішкі әскерлердің өз міндеттерін абыроймен атқарып келе жатқанын атап өтті. Батыс құрама командирі, полковник Қайрат Беляков бөлімнің үздік қызметкерлерін алғысхаттармен, грамота, бағалы сыйлықтармен, «Батыс үздігі» төсбелгісімен марапаттады.
«Мемлекеттің ішкі күштері» атты деректі фильм көрсетіліп, салтанат соңы Жастар мәдениет сарайы әртістері қойған концертке ұласты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).