ОРАЛ. 29 желтоқсан. ҚазАқпарат - Орал қаласының әкімі Алтай Көлгінов кеше жаңажылдық безендіруде үздік шыққан кәсіпорындарды марапаттады.
Орал қаласы әкімдігінен түскен мәліметке қарағанда, қалаға мереке қарсаңында ерекше көрік қосқан «Жайық жарығы» ЖШС-ға диплом табыс етілді. Сондай-ақ «Пафос» мейрамханасы, «Квант» сауда үйі, «Картел» ұялы телефон операторы, «Орал» сауда ойын-сауық орталығы өз салалары бойынша аталымдарға ие болды.
Жаңа жыл қарсаңында сауда орталықтары, базар, дүкендер, кафе, мейрамханалар, тұрмыстық қызмет көрсету кәсіпорындары қасбеттерін мерекелік реңге келтіріп, өз аумақтарындағы ағаштарды да қызылды-жасылды түске малындырып қойды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).