ОРАЛ. 23 маусым. ҚазАқпарат - 22 маусым күні Батыс Қазақстан облыстық кардиология орталығында өңірлік конференция өткізілді.
Облыстық денсаулық сақтау басқармасының баспасөз қызметінен түскен мәліметке қарағанда, конференция жұмысына Қазақстан кардиологтары IV конгресінің делегаттары Н.Жұмағұлова, Н.Қалиева, Э.Сүйеуғазиева, Л.Бөкенбаева, кардиологтар, директордың емдеу ісі жөніндегі орынбасарлары, алдын алу және психоәлеуметтік көмек бөлімдерінің меңгерушілері, отбасылық денсаулық орталықтарының өкілдері, эндокринологтар, қала және аудандардың жедел медициналық жәрдем дәрігерлері қатысты.
Аталған шара барысында неврологиялық, эндокринологиялық, гастроэнтерологиялық, ревматологиялық, инфекциялық қызметтердің жұмыстарын жетілдіру мәселелері қарастырылды. Облыстық денсаулық сақтау басқармасының штаттан тыс мамандарымен конференция тыңдаушыларына аталған ауруларды емдеу, диагностикалаудың жаңа әдістері бойынша ақпараттандырудың көкейтестілігі аталып өтілді. Қызметтер арасында жұмыстың тиімділігі мен маңыздылығы да айтылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).