ОРАЛ. Ақпанның 16-сы. ҚазАқпарат /Ғайсағали Ералы/ - Елімізде қазынашылық жүйесінің құрылғанына 15 жыл толуына орай облыстық қазынашылық департаментінде салтанатты жиын болды,
деп хабарлайды ҚазАқпарат тілшісі.
Департамент бастығы Дархан Қуанышев қазынашылықтың құрылу тарихы туралы әңгімелеп, өткен жылы атқарылған жұмыстарға тоқталды. Озат қызметкерлерді марапаттауды да ұмытқан жоқ.
Облыс әкімінің орынбасары Нұрлан Ноғаев қазынашылық қызметкерлерін мерекелерімен құттықтап, өңір басшысы атынан құттықтау және алғысхаттарды табыс етті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).