08:19, 20 Қазан 2011

Оралда кейбір үйлерге жылу берілмей отыр

АЛ. 20 қазан. ҚазАқпарат /Елжан Ералы/ - Оралда кейбір үйлерге жылу берілмей отыр. «Жайықжылуқуат» АҚ-ның техникалық директоры Захат Қуанышқалиевтың айтуынша,

«Жайықжылуқуат» АҚ қала бойынша 1151 тұрғын үйді жылумен қамтамасыз етуге тиісті болса, кеше соның 672-сіне жылу қосылған. Кейбір тұрғын үй ғимараттарында жылу беру ПИК қызметкерлерінің үлгере алмауына байланысты кешеуілдеп отыр. Ал бірқатар мекеме-кәсіпорындардан жылуды қосу қажеттігі жөнінде өтініштер түспегендіктен, әлі күнге жылу берілмеген. Сондай-ақ жылу маусымына дайындық кезеңінде гидравликалық сынаулар жүргізілмей, ешқандай ПИК-тің иелігіне кірмейтін қараусыз қалған тұрғын үйлер де бар. З. Қуанышқалиевтің сөзінше, өткен жазда «Жайықжылуқуат» АҚ 215 млн. теңге қаржы жұмсап, қала бойынша 11 шақырымнан астам жылу құбырына күрделі жөндеу жүргізген.

Аймақ Батыс Қазақстан облысы Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).